2013年11月18日 星期一

一年之計在旅行

又到年尾, 即係又係時候要去旅行, 就算我唔想去玩, 但老婆大人仍會主動落柯打叫我準備旅程!

不過今年實在諗唔到想去邊, 原本因為睇得 Running Man 太多, 老婆又迷上韓劇, 去韓國應係好選擇, 點知阿仔竟話唔愛韓式食品, 大力反對, 要求改去日本, 加上老婆亦想浸溫泉, 唯有死死氣又走去訂機票.

機票貴得離譜, 走去專業旅運一問(我覺得這間店其實不太專業), 兩大一小淨機票開價一萬六千幾? 我個樣雖然睇落老實, 但你冇理由以為我蠢啩?! 於是幫襯番我喜歡的 priceline 莫小姐, 服務態度好, 價錢又平一大截, 仲可以簽卡儲分, 冇嘢好講, 立即扑鎚, 訂了一月尾去大阪的機票, 承惠一萬四千幾。

去大阪玩乜好? 其實我諗唔到, 想玩的大多玩過, 老婆大人只係講明: 溫泉、美食、購物。


其實我向來喜歡正文社的旅遊書, 雖然內容不一定較別人豐富, 卻頗欣賞其內文 design, 而且也言之有物, 有啲旅遊書, 即使好似包羅萬有, 但講得空泛, 就算我肯俾錢買, 家中都冇地方擺!

2013年10月26日 星期六

三杉淳的旅遊分享

這篇文章是一個新的開始, 希望日後會有機會繼續在這裡發佈我的旅遊經歷, 在此先多謝大家願花時間到此瀏覽.